سبحان الله

منتدى أسلامى  
الرئيسيةالبوابةالتسجيلدخولاستمتعوا باستماع القران الكريم اتصل بنا عند وجود اى مشكلة 0121013821استمعوا ورددو الاذكار

شاطر | 
 

 حصاله على شكل كلب وبيته

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ضحى
مديرة المنتدى
مديرة المنتدى
avatar

انثى
عدد المساهمات : 627
تاريخ التسجيل : 17/10/2010

مُساهمةموضوع: حصاله على شكل كلب وبيته    13/3/2011, 10:00 am




ازيكم النهاردة وعاملين ايه يارب تكونوا فى صحة وسعادة .


النهاردة جبت لكم فكرة عجبتنى جدا وقلت اعرضها عليكم يمكن تقدروا تستفيدوا منها .


الفكرة هى ازاى تحولى علبة عصير لحصالة على شكل كلب جميل


تعالوا نشوف ازاى مع بعض ...


دى علبة العصير اللى هنستعملها





هنقص اليد الموجودة فيها على الجنب





وهنلصق مكان اليد لصق شفاف





وفى نفس الجنب اللى فيه اليد اللى قصيناها هنعمل فتحة بالعرض زى الصورة مابتوضح








وهنعمل فتحة صغيرة عشان نقدر ندخل منها الفلوس





وده هيبقى شكل علبة العصير





وفى اخر العلبة هنلصق شريط من الكرتون على داير العلبة وهيبقى عرضة حوالى 1سم .





ونثبتة على العلبة





ومن ورق الجرايد هنعمل رجلتين زى اللى فى الصورة





وهنثبتهم على جوانب العلبة ولاحظى ان مكان اليد اللى قصيناها اتجاهة لاعلى .





وبعد كده على الصقى غطاء العلبة ورق جرايد على شكل كورة صغيرة عشان تبقى الانف





بعد كده هنجيب ورق ونقصة على شكل اذن الكلب .





وده شكل الاذن بعد القص





الصقيهم فوق اليد اللى قصيناها والصورة بتوضح





وده شكل الكلب تقريبا ابتدى يظهر شكلة





بعد كده على ورق كرتون هنرسم شكل بيت للكلب





وهنقص من البيت ده شكلين





وهنعمل فتحة بيضاوية على شكل من الشكلين هتبقى هى باب البيت وهنثبت الشكلين على بعض زى الصورة





بعد كده هنقص من الكرتون شريطين بعرض 1سم الشريط عشان نزين بيهم البيت





وهنلصقهم على البيت من فوق





وبعد كده نقص من الكرتون شكل معين صغير





وهنلصقة على تقاطع الشريطين اللى ثبتناهم على البيت





وهنقص شريط ثالث اصغر من الشريطين اللى عملناهم عشان نكتب عليه اسم للكلب





بعد كده هنثبت الكلب على البيت بالغراء





وده هيكون شكلة بعد التثبيت





لاحظى فتحة الفلوس وخلى بالك متقفليهاش بأى حاجة أشتغلى من حواليها





ونبدأ فى التلوين هنلون البيت باللون البنى





والكلب هنلصق علية ورق مناديل بالغراء
المخفف بالمياة على 3 طبقات عشان يدارى اى عيوب فى الشكل وعشان يكون قوى
ونقدر اننا نلونة بالالوان اللى نحبها






وبعد ماتجف المناديل هنبدأ فى تلوين الكلب





وده هيبقى شكل الحصالة النهائى





وهنا من قريب بعد ماكتبا اسم الكلب





وده هيكون شكلها النهائى





ايه رأيكوا بقى فى الفكرة !!!


اتمنى انها تعجبكوا ،،،
الرجوع الى أعلى الصفحة اذهب الى الأسفل
http://sobhan-allh.ahlamontada.net
 
حصاله على شكل كلب وبيته
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سبحان الله :: القسم العام :: خاص باولادنا الحلويين فوق ال 6 سنوات-
انتقل الى: